د امریکا پوځ د مرکزي قومندانۍ قومندان جنرال کېنت مک کنزي ویلي، دوی به د افغان ځواکونو پر ملاتړ خپلو هوايي بریدونو ته دوام ورکړي او چمتو دي، چې د اړتیا په صورت کې دا ډول بریدونه ډېر کړي.
مک کنزي ویلي، د طالبانو هڅې دوی ناچاره کړي تر څو یې پر وړاندې هوايي بریدونه وکړي.
مک کنزي پخوا هم ویلي و، چې له افغانستانه د بهرنیو ځواکونو له وتلو وروسته هم افغان امنیتي او دفاعي ځواکونه ملاتړ ته اړتیا لري .
امریکايي ځواکونه وروسته له هغې افغانستان کې پر طالبانو بیا ځلي بریدونه پیلوي، چې د دوی له وتلو وروسته ډېری سیمې او ولسوالۍ د طالبانو په لاس سقوط شوي دي.