سرچینې وايي، افغان هوايي ځواکونو له نن سهار راهیسې پر وسله والو طالبانو د هوايي بریدونو شمېر زیات کړی دی.
دغه هوايي بریدونه د کندهار ښار پر هغو سیمو زیات شوي، چې طالبانو په تېرو دریو اوونیو کې له حکومتي ځواکونو نیولي.
چارواکي وايي، بریدونه یې پر طالبانو کړي، خو طالبانو تر اوسه په دې اړه څه نه دي ویلي.
سرچینې وایي، حکومت له تېرې ورځې راهیسې ملکي کسانو ته خبر ورکړی، چې له کورنو ووځي او دوی هوایي عملیات پیلوي.
د دغو هوایي بریدونو له پیل سره سم په ښار کي د بې ځایه شوو کورنیو شمېر هم زیات شوی دی او ډېره برخه یې د سرپنا د نه لرلو له امله پر سړکونو شپې او ورځې تېروي.
