د هرات ولایت مقام له لوري په خپرو شویو مالوماتو کې ویل شوي، چې وسله والو طالبانو تېره ورځ غوښتل د سلما بند پر لاره ماینونه ځای پرځای او وروسته د سلما بند پر امنیتي پوستو باندې برید وکړي.
اعلامیه کې ویل شوي، امنیتي ځواکونو وسله والو طالبانو ته له وړاندې کمین نیولی و او د طالبانو د دغه برید مخه یې نیولې ده.
مالوماتو کې ویل شوي، چې د نښتې پر مهال ۲ وسله وال طالبان وژل شوي او پنځه نور ټپیان شوي دي.
وسله والو طالبانو تر اوسه په دې اړه څه نه دي ویلي.