د ملي امنیت د ۰۳ قطعې له لورې په رالېږل شویو مالوماتو کې ادعا شوې، چې تېره شپه او نن سهار د کندهار ښار دیارلسمې حوزې اړوند “سره غونډۍ” سیمه کې افغان هوایي او ځمکنیو ځواکونو عملیات کړي، چې پر مهال یې د طالبانو د څو مهمو قوماندانانو په ګډون ۳۰ طالبان وژلي دي.
مالوماتو کې زیاته شوې، چې وژل شویو طالب قومندانانو کې، جليل، عنايت الله مشهور په حاجي لالا، سردارولي مشهور په حاجي قدرت، عبدالستار مشهور په بهاوالدين، غلام جان مشهور په فردي، حلولا مشهور په حنس، شيرعلي مشهور په ميراجان، سيدنور مشهور په حاجي رستم، معاذالله اخند مشهور په حماس، ترابي او 15 نور طالبان شامل دي.
طالبانو تر اوسه په دې اړه څه نه دي ویلي.