د کورنیو چارو وزارت وايي، د کابل ښار پر مرکزي سیمه کې نن سهار درې توغندي لګېدلي، خو مرګ ژوبله نه لري.
د یاد وزارت ویاند میروس ستانکزی وايي، یو توغندی د عیدګاه جومات شاته، یو ګل بهار تجارتي مارکیټ شاته او درېیم توغندی حضوري چمن کې لګېدلی، خو په خبره یې چاودلی نه دی.
د ستانکزي په خبره، د دغو درې واړو توغندیو کې چاته مرګ ژوبله نه ده اوښتې.
اخوا بیا ناتائید شوي راپورونه وایي، دا توغندي د کابل له کارته پروان سیمه سیمه کې له یوه موټره توغول شوي دي.
د دې بریدونو مسوولیت تر اوسه پورې کوم کس یا وسله والې ډلې پرغاړه اخېستی نه دی.