په کابل کې د اختر لپاره خلک د څارویو اخېستلو لپاره منډویانو ته وتلي دي، خو د حیواني ناروغیو په اړه اندېښمن دي.
د څارویو اخېستلو لپاره راغلي یو شمېر کسان داسې دي، چې حکومت پر بې کیفایتې تورنوي، چې ګنې څاروي خرڅلاو ته وړاندې شوي،خو معاینات یې نه دي شوي.
د کابل ښار یو تن اوسېدونکی: « مربوطه وزارت ته په کار ده، چې مخکې له دې چې څاوري بازار او خرڅلاو ځایونو کې راوړل شي، چک اپ وکړي، ترڅو د حیواناتو له ساري ناروغیو مخنیوی وشي.»
بل پلو د څارویو یو شمېر مالکان وایي، پرته له معاینې څخه خپل سري درمل څارویو ته ورکوي.
د کانګو ناروغي هم حیواناتو کې هغه سارې ناروغې ده،چې د انسانانو لپاره مرګوني ده.
د کابل ښار یو تن اوسېدونکی وايي:« موږ دوا ورکو او کوم مالونه چې لرو، لېرې پرتو سېمو کې دي. دوا ته لاسرسی نه لري او ښايي کانګو هم ولري.»
خلکو ته د عامې روغتیا وزارت لارښوونې دا دي،چې د قربانۍ پر مهال دې ماسک او دست کشې وکاروي، څو د حیواناتو له ساري ناروغیو په امان پاتې شي.
د عامې روغتیا سرپرست وزیر وحید مجروح وايي:« کانګو وژونکې ناروغي ده او زه له ټولو وروڼو او خویندو غوښتنه کوم،ترڅو د قربانۍ حلالو په وخت کې له ماسک او دستکشو کار واخلي، ترڅو د کانګو مخنیوې وشي.»
که څه هم کانګو ناروغي اوس راکمه شوې،خو د روغتیا وزارت اندېښنه دا ده، که خلک د لوی اختر په قربانیو کې لازمې روغتیايي لارښوونې په پام کې ونه نیسي، ښايي دا ناروغي بیا زیاته شي.