ځینو سیاسیونو د سولې پروسه کې له خلیلزاد امتیازات غوښتي.
د افغانستان سولې لپاره د امریکا ځانګړی استازی زلمی خلیل زاد چې بیا کابل ته راغلی و
له ځینو سیاسیونو سره په لیدنو کې ترې امتیاز غوښتل شوی چې د سولې پروسه کې یې ورکړي.
خلیل زاد به یوځل بیا هغو هېوادونو په لور لاړ شي چې د افغانستان په جګړه او سوله کې اغېز لري.
ټاکل شوې دا ځل خلیلزاد د افغان سولې لپاره مسکو ته هم لاړ شي.
کابل ته په دویم ځل سفر کې له سیاسیونو سره په لیدنه کې له خلیل زاد غوښتل شوي چې د سولې په بدل کې باید دوی ته یو امتیازات ورکړل شي خو مالومه نه ده چې دا امتیازات به څه وي او چا غوښتي دي خو د ولسي جرګې غړی ګل پاچا مجیدي وايي ځینو سیاسیونو له خلیل زاد د امتیازاتو غوښتنه کړې.
له پاکستاني زندان څخه د طالبانو د پخواني مرستیال ملابرادر خوشې کېدل او په راولپینډۍ کې د جمعیت علما اسلام مشر مولانا سمیع الحق وژنه هغه ټکي دي چې سوله یقیني کوي.
اوس تېر سفر ته په کتو په پام کې ده چې خلیل زاد مسکو ته لاړ شي چې تېره اونۍ په کې طالبان او سولې شورا غړي مخامخ خبرو ته کېناستل.
خلیل زاد په دویم ځل سفر کې د سیاسیونو په ډله کې له عطامحمد نور ، جنرال عبدالرشید دوستم سره لیدلي دي.
هغه په ارګ کې له ولسمشر غني سره په لیدنه کې د افغانانو په مشرۍ او مالکیت د سولې له پروسې ملاتړ کړی او باور یې ښوولی چې سولې ته رسیدل زیات پیچومي نه لري.
