په هرات ولایت کې د “جګړې اوښکې او د سولې موسکا” ترعنوان لاندې د انځورونو درې ورځنی نندارتون جوړ شوی دی.
دغه نندارتون کې د هېواد لویدیځ زون ولایتونو د انځورګرانو په لاس کښل شوي د سولې او جګړې اړوند ۶۰ بېلابېل انځورونه نندارې ته وړاندي شوي دي.
د نندارتون مسوولین وايي، موخه يې داده ترڅو له یوې خوا د سولې او جګړې په اړه د انځورګرانو او عواطف بیان او له بل لوري خلک وهڅوي، چې هېواد کې سولې لپاره کار وکړي.
دغه راز نندارتون لیدونکو ته د سولې پیغام ورکوي او ښيې چې خلک له جګړې ستړي شوي دي.
دغو بېلابېلو انځورونو کې پر انساني ژوند د جګړې او سولې اغېز انځور شوی دی.
دغه نندارتون کې د انځورګرانو په لاس کښل شوي شپیته انځورونو د درو ورځو لپاره نندارې ته وړاندي شوي دي.
په پام کې ده چې په بادغیس، نیمروز او فراه ولایتونو کې هم ورته نندارتونونه جوړ شي.