د اروپا په جرمني، بلجیم او یو شمېر نورو ګاونډیو هېوادونو کې له نږدې یوې اوونۍ راهېسې د زیات ورښت له امله سخت سېلابونه راوتلي دي.
د راپورونو پر بنسټ په دې سېلابونو کې تر اوسه پورې له ۱۵۰ ډېر کسان مړه شوي او لسګونه نور لاهم نادرکه دي.
تر ټولو ډېر کسان په جرمني کې مړه شوي، چې ۱۰۳ کسانو په کې خپل ژوند له لاسه ورکړی.
دا په تېرو ۶۰ کالونو کې په جرمني کې د طبیعي ناورین له امله د مړینې بې سارې لوړه کچه ده.
دې سیلابونو لارې خرابې کړي، انټرنیټ او ټیلیفون یې قطع کړی، چې له دې امله د تري د نادرکه کسانو د موندلو هڅې سختې شوي دي.