د سویډن د کډوالۍ ادارې ویلي، دوی په افغانستان کې وضعیت څاري او وروستیو جګړو دې ته اړ کړي،چې د رد شویو کډوالو د اېستلو لړۍ ودروي.
د یادې ادارې په خبره، دغه ځنډ به لنډمهالی وي او همدا چې وضعیت ښه شي یاد کډوال به بېرته لېږل کېږي.
د مالوماتو له مخې، دمګړی شااوخوا ۷ زره افغان کډوال په سویډن کې د کډوالۍ لپاره نه دي منل شوي او له دغه هېواد به اېستل کېږي.
تر دې وړاندې فنلنډ هم ویلي وو، چې د افغان کډوالو د اېستلو لړۍ یې درولې ده، خو آلمان ویلي، دې پروسې ته به ادامه ورکويؤ ځکه د افغانستان په لویو ښارونو کې لا هم امنیت شته دی.
افغان حکومت څه موده وړاندې له اروپايي هېوادونو وغوښتل، چې تر دریو میاشتو د افغان کډوالو اېستلو لړۍ بنده کړي.
