دا ناسته نن د کابل په وخت له غرمې مخکې پيل شوې، چې پر ډاکتر عبدالله عبدالله سربېره په کې ملا برادر هم خبرې و کړې.
د بحث اصلي او اساسي موضوع د اوربند پر ټینګیدو ده.
غونډې ته د وینا پر مهال ډاکتر عبدالله عبدالله وویل، دوی دلته په دې موخه راغلي چې یو تلپاتې اوربند ته ورسېږي، څو له دې لارې بشري مرستې ټولو اغیزمنو سیمو ته ورسېږي.
عبدالله ویلي، ګاونډيانو ته یې د سولې لاس اوږد کړی ، د جګړې زیان یواځې تر افغانستان محدود نه دی ، دا سیمې او نړۍ ته هم ګواښ دی.
عبدالله زیاته کړه، چې جګړه ګټوونکی نه لري او نه هم بایلوونکی.
د طالبانو په استازیتوب بیا ملا عبدالغني برادر ویلي، د ولس لویه هیله چې سوله ده د پوره کېدو په درشل کې ده.
نوموړي ویلي، د دې لوی هدف د تر لاسه کولو لپاره باید همکاري او همغږي ولرو.
