د ملګرو ملتونو د امنیت شورا رسنیز دفتر ویلي، دغه سازمان کولی شي، چې پرېکړه وکړي او د سوله ساتونکی ځواک افغانستان ته ولېږي.
د ملګرو ملتونو امنیت شورا رسنیز دفتر دغه څرګندونې وروسته له هغې کړي، چې د افغانستان، امریکا او یو شمېر نورو هېوادونو شاوخوا سل مهمو کسانو دغه سازمان ته اندېښنه څرګنده کړې، چې ګنې د طالبانو په راتګ سره به د ښځو حقوق خوندي نه شي.
ملګرو ملتونو هم د طالبانو له راتګ وروسته په افغانستان کې د ښځو پر وضعیت اندېښنه ښودلې او ټینګار یې کړی، چې باید د ټولو حقوق خوندي شي.
