د امریکا دفاع وزارت یا پنټاګون ویاند جان کربي له فاکس نیوز سره په خپله مرکه کې ویلي، د طالبانو وروستي فعالیتونه په ځیر سره څاري.
کربي ویلي، دوی به د ځواکونو له وتلو وروسته هم افغان پوځ سره خپلو همکاریو ته دوام ورکړي،خو اوس وخت دی،چې افغان ځواکونه رامخ ته شي او له خپلې خاورې ساتنه وکړي.
په ورته وخت کې کربي ویلي، دا د افغان پوځ لپاره د مسوولیت منلو وخت دی.
هغه همداراز ویلي، طالبان باور لري،چې د جګړې له لارې افغانستان نیولی شي.
د کربي په خبره، هغه څه چې طالبان یې کوي،په زغرده ښکاري چې دوی د جګړې د پای ته رسیدا لپاره په پوځي حل باوري دي.
کربي څرګنده کړې،چې د امریکا او ناټو ډېری پوځیان له افغانستانه وتلي او څه چې پاتې دي،هغو به د اګسټ میاشتې تر پایه له دغه هېواده ووځي.