د فنلنډ حکومت ویلي، له خپل هېواده یې د افغان کډوالو د اېستلو لړۍ د لنډې مودې لپاره درولې ده.
چارواکي ویلي، دا پریکړه یې د افغان حکومت د هغې غوښتې پر بنسټ کړې،چې له اروپايي هېوادونو یې غوښتي، د افغان کډوالو اېستل تر درېیو میاشتو پورې وځنډوئ.
د چارواکو په خبره، دوی به دې کډوالو ته د دایمي اوسېدو اجازه ورنه کړي، یوازې د لنډې مودې لپاره،چې په افغانستان کې حالت ښه کېږي، د دوی د اېستلو لړۍ درول شوې ده.
په وروستیو کلونو کې زرګونه افغانان له هېواده بهر شول،چې ډېری یې اروپایي هېوادونه ته تللي، خو دغو هېوادونو د ډېری افغانانو له منلو ډده کړې او هره میاشت لسګونه افغان کډوالو بېرته هېواد ته ستنوي.
د افغانستان کډوالو او بېرته راستنېدو چارو وزارت وړاندې د یوې خبرپاڼې په خپرولو سره له اروپايي هېوادونو غوښتي وو، چې تر راتلوونکو درېیو میاشتو پورې د افغان کډوالو اجباري اېستل بند کړي.