د افغانستان کډوالو او بېرته راستنیدونکو چاررو وزارت په یوې خبرپاڼه کې ویلي،له یوې خوا د طالبانو تاوترېوالي ډېروالي او له بلې خوا د کورونا وبا درېیمې څپې خلکو ته اقتصادي او ټولنیزې ستونزې پیدا کړي.
په خبرپاڼه کې وړاندې ویل شوي:« د حکومت په پریکړې کې ټینګار شوی،چې کوربه هېوادونه دې د افغان کډوالو اجباري اېستل د درېیو میاشتو لپاره بند کړي.»
یاد وزارت ویلي،چې له اروپا نه د افغان کډوالو راستیندل د اندیښنې وړ دي.
د اروپایي ټولنې د احصایې ادارې د معلوماتو له مخې ،تېر کال شااوخوا ۴۴۱۹۰ افغانانو په اروپایي هېوادونو کې د لومړي ځل لپاره د پناه اخېستلو غوښتنه کړې وه.
دې ادارې ویلي، ټول ۴۱۶۶۰۰ افغان کډوالو د اروپا په بېلا بېلو هېوادنو کې پنا غوښتې ده.
بل پلو د ایټالیا لومړي وزیر تیره میاشت ویلي و، چې له افغانستانه د بهرنیو ځواکونو تر وتلو وروسته اروپا باید د لا ډېر شمېر افغانانو راتګ ته چمتوالی ولري.