پخواني جهادي مشر استاد عبدالرب رسول سیاف امنیتي او دفاعي ځواکونه د افغانستان د خاورې، عزت او خپلواکۍ ساتونکي بللي دي.
استاد سیاف ویلي، د یرغلګرو، ظالمانو او زورواکو پر وړاندې ودریږئ او له افغان امنیتي او دفاعي ځواکونو ملاتړ وکړئ.
سیاف وروسته له هغې دا څرګندونې کوي، چې تېره ورځ ولسمشر اشرف غني له پخواني ولسمشر حامد کرزي سربېره له ډاکټر عبدالله عبدالله او استاد سیاف سره ناستې درلودې او له هغوی یې غوښتي، چې له هېواده د دفاع په واحد صف کې ودرېږي.
