د افغانستان بېړۍ په نړیوالو اوبو کې تګ راتګ پیلوي.
په لومړي ځل په نړیوالو اوبو کې د افغانستان بیرغ په سوداګریز بېړیو کې لېږدول کېږي.
د افغانستان د ټرانسپورټ وزارت ویلي، ډېر ژر به د ایران په مرسته د چابهار بندر له لارې خپل سوداګریز کښتۍ آزاد اوبو له لارې د هند ممبيي ته ولېږي.
د ټرانسپورټ وزارت په یوې اعلامیې کې ویلي، نږدې راتلونکي کې به د کښتیو سکټور جوړ شي او سواګریزې بېړۍ کولای شي د افغان بیرغ په لېږدولو سره نړیوالو اوبو کې تګ راتګ وکړي.
د ټرانسپورټ وزارت خبر له مخې د کښتیو سکټور پلان یې له سیمې هېوادونو سره شریک کړی او ایران به په دې برخه کې پانګونه کوي.
د افغانستان د ټرانسپورټ وزارت معین، امام محمد وریماچ ویلي، لومړی به سوداګریزي بیړۍ وپیري او بیا به د افغانستان بیرغ په لېږدولو سره نړیوالو اوبو ته ننوځي.
وریماچ ویلي، د دغه کار ډېره ګټه به د افغانستان خصوصي سکتور ته ورسېږي.
