ازبکستان د (ضمیر او دیني ادارو ازادۍ) تر عنوان لاندې د دیني ازادۍ نوی قانون تایید کړ، چې تمه کېږي له مخې به یې په دې هېواد کې دیني ازادي زیاته شي.
د دې هېواد ولسمشرۍ ماڼۍ په یوه اعلامیه کې ویلي، دا قانون وروسته له هغې د تطبیق له پاره وړاندې شو، چې تېره ورځ د اربکستان ولسمشر شوکت میرزایوف لاسلیک ورباندې وکړ.
د دې قانون له مخې به په ازبکستان کې د هغو دیني ادارو د ثبت او راجستر چارې اسانې شي، چې خلکو ته دیني زده کړې ور کوي.
د دې قانون له مخې به په عامه ځایونو کې د دیني لباسونو لکه د زړوکو پر سر کولو او دغه راز د حجاب پر اغوستلو هم بندیز لغوه شي.
