قطر کې د طالبانو د سیاسي دفتر غړي سهیل شاهین په خپله تازه مرکه کې ویلي، چې دوی په افغانستان کې د هېڅ بهرني نظامي حضور نه مني او د ډیپلوماتیکو اداراتو له غړو او ملکي بهرنیانو سره هېڅ راز ستونزه نه لري.
هغه د وروستیو جګړو په اړه ویلي، چې دوی د زور له لارې واک ته رسېدل نه غواړي، خو د بهرنیانو حضور هم ورته د منلو نه دی.
هغه د بهرنیو ځواکونو د حضور د دوام په صورت کې د جګړو د پراختیا خبرداری هم ورکړی دی.
