د پاکستان پوځي او استخباراتي مسؤلینو ویلي، غواړي افغانستان کې جګړه د خبرو له لارې حل شي، خو په خبره یې دوی اوس پر طالبانو د پخوا په څېر نفوذ نه لري.
د پاکستان د پوځ مشر جنرال قمر جاوید باجوه ویلي، ښايي په افغانستان کې جګړې ډېرې شي او له همدې امله دوی پر ډیورنډ فرضي کرښه لا ډېر اقدامات ترسره کوي.
پاکستاني چارواکي داسې مهال دا خبرې کوي، چې له کلونو راهیسې افغانستان پر پاکستان نیوکه کوي، چې د سولې برخه کې رښتینی نه دی او د روانې جګړې ټول مسوولیت د پاکستان پر غاړه دی.