افغانستان کې د بهرنیو ځواکونو عمومي قوماندان جنرال سکاټ مېلر هم له افغانستان وتلی او چارې یې جنرال مکنزي ته سپارلي دي.
د امریکا دفاع وزارت یا پینټاګان اعلان کړی، چې افغانستان کې یې نوی قوماندان معرفي کړی دی.
د امریکا دفاع وزارت ویاند جان کربي ویلي، چې دفاع وزیر لویډ اسټن په افغانستان کې د قوماندانۍ چارو مسؤلیت له سکات میلر جنرال فرانک مکنزي ته وسپاره.
د امریکا دفاع وزارت نه دي ویلي، چې ولې یې د سکاټ مېلر پر ځای مکنزي معرفي کړ، خو دومره یې ویلي، چې دا حساسې شیبې دي او د دوی د انتقال پروسه روانه ده.
