د افغانستان دوه لوبڅارانې فرحناز جلالي او سونیا نوري د مرکزي اسیا تر ۱۷ کلنو د کم عمره د نجونو فوټبال په سیالیو کې لوبڅاري کوي.
د فوټبال فدراسیون ویلي ، دا دوه لوبڅارانې نن په همدې موخه تاجکستان هېواد ته ولاړې.
د یاد فدراسیون په خبره، فرحناز جلالي د لوبغالي د منځنۍ لوبڅارې او سونیا نوري د مرستیال لوبڅارې په توګه د مرکزي اسیا نجونو د لوبڅارۍ په موخه تاجکستان ته بلل شوې وې.
دا سیالۍ پرون پیل شوي او شااوخوا ۹ ورځې به دوام وکړي.
په دې سیالیو کې د افغان لوبډلې په ګډون د ایران، قرغزستان، ازبکستان او تاجکستان لوبډلو برخه اخېستې ده.