د راپورونو له مخې په دې غونډه کې په افغانستان کې پر روان تاوتریخوالي او د سولې پر ټپه ولاړو مذاکراتو باندې خبرې شوي دي.
افغان پلاوي ویلي، چې د تاوتریخوالي ډېرېدل د سولې خبرو ته زیان رسوي، له همدې امله دواړو خواوو ته په کار ده، چې تر جګړې پر سولې تمرکز ډېر کړي.
دوی همدا راز ټینګار کړی، چې د سولې لپاره به خپلې هڅې ډېروي.
دا غونډه داسې مهال کېږي، چې په دوحه کې مذاکرات په ټپه ولاړ دي.
طالب لوری افغان حکومت د دې مذاکراتو د ځنډ لامل بولي، خو حکومتي پلاوی بیا وایي، چې طالبان خبرو ته نه حاضرېږي او په مذاکراتو کې نرمښت نه ښيي نو ځکه خبرې په ټپه ولاړې دي.