د افغانستان بهرنیو چارو وزیر، محمد حنیف اتمر ویلي، افغانستان کې د سولې لپاره مطلقه اجماع موجوده ده او زیاته کړې یې ده، چې طالبان افغانان دي او افغان حکومت ورسره د سولې یوې هوکړې ته رسېدلی شي.
هغه واشنګټن ته د سفر پر مهال یوه مرکه کې ویلي، هغه بهرني وسله وال، چې اوس د طالبانو په لیکو کې د افغانانو پر وړاندې جنګېږي د هغوی لپاره په افغانستان کې ځای نشته او باید لاړ شي.
نوموړي دغه راز پر بهرنیو هېوادونو غږ کړی، چې نور دې دا پلمه نه نیسي، چې ګوندې په افغانستان کې د سولې لپاره اجماع نه شته ده.
