د مسکو غونډه چې ټاکل شوې د جمعې په ورځ پيل شي، د طالبانو په ګډون پکې د ځینو هېوادونو استازو هم د ګډون اعلان کړی.
د سولې عالي شورا څلور کسیزه پلاوی سبا مسکو ته ځي چې د سولې په تړاو جوړېدونکي غونډې کې ګډون وکړي.
له دې سره د سولې عالي شورا نیوکه وکړه، پاکستان له فشارونو سره ـ سره له افغان لوري سره د سولې پروسه کې همکاري نه ده کړې.
د مسکو غونډه کې به د پآکستان او طالبانو په ګډون د ځینو نورو هېوادونو استازي هم ګډون وکړي.
له دې سره یو ځای د سولې عالي شورا د دارلانشاء رییس اکرم خپلواک له خپلې دندې استعفا وکړه.
امریکا په دې غونډه کې له ګډون انکار کړی او د افغانستان د سولې عالي شورا څلور کسیزه پلاوی به د پنجشنبې په ورځ غونډه کې د ګډون په موخه حرکت وکړي.
له دې سره یو ځای د سولې عالي شورا تمه لري چې د مسکو غونډه به له پروسې سره مرسته وکړي، خو لا هم په پاکستان نیوکه شته چې له فشارونو سره ـ سره یې د سولې برخه کې همکاري نه ده کړې.
د مسکو د غونډې لپاره د پلاوي له ټاکل کیدو سره یو ځای د سولې عالي شورا د دارلانشاء رییس اکرم خپلواک استعفا ورکړې، چې تر اوسه یې د استعفا لامل نه دی په ډاګه.
ټاکل شوې د مسکو غونډه چې یو ځل د افغان حکومت په غوښتنه ځنډیدلې وه، د روسيې د بهرنیو چارو وزیر په خبرو پرانیستل شي او د افغان سولې په تړاو په کې هر اړخیزه خبرې وشي.
