د هند د بهرنیو چارو وزیر جې شنکر ویلي، په افغانستان کې د ښځو، لږکیو او د مدني فعالانو پر وړاندې د بریدونو او تاوتریخوالي د ختمولو لپاره اوربند ته اړتیا ده .
جی شنکر د ملګرو ملتونو امنیت شورا ته د افغانستان په اړه خبرو کې ویلي، هند په افغانستان کې د واقعي او پراخ بنسټه سیاسي تفاهم لپاره د هرې هڅې هرکلی کوي.
نوموړي زیاته کړې، چې د بین الافغاني خبرو سربېره په تاوتریخوالي کې نه یوازې دا، چې کموالی نه دی راغلی، بلکې ډېر شوی دی، چې په وینا یې دې چارې دوی د افغان سولې لپاره پر روانو هڅو بې باوره کړي دي.
