نړیوال بانک دغه ۱۳۲ میلیون ډالره وړیا مرسته له بنسټیزو اصلاحاتو سره د دوام او کرونا وبا د مخنیوي په موخه افغانستان ته ورکوي.
د نړیوال بانک د مالوماتو پر بنسټ. ټاکل شوې د افغانستان بیارغونې صندوق هم د دغه پروګرام د ملاتړ لپاره ۳۰۰ میلیونه ډالره نوې مالي مرسته وکړي، چې په ټوله کې به دغه مرسته ۴۳۲ میلیون ډالرو ته ورسېږي.
افغانستان کې د نړیوال بانک دفتر ویلي، د دغې تازه مالي مرستې تصویب دا په ډاګه کوي، چې د کرونا وبا د ناوړو اغېزو له امله د اقتصادي او ټولنیزې اوضاع د ښه والي لپاره د نړیوال بانک مرستې د افغانستان له خلکو سره دوام لري.