د کوزې پښتونخوا نامتو سیاستوال او د پاکستان سنا پخواني غړي عثمان کاکړ پر سر او بدن د اخېستو ټپونو له امله نن په روغتون کې ساه ورکړه.
د پښون ژغورنې غورځنګ مخکښ غړي محسن داوړ او ځنیو نورو د هغه مړینه تائید کړې ده.
کاکړ څو ورځې وړاندې په کوټه کې په خپل کور کې غورځېدلی او ویل کېږي، چې پر سر لګېدلی و او په جناح روغتون کې بستر و.
کاکړ له ۲۰۱۵ کال بیا د روان ۲۰۲۱ زېږدیز کال تر مارچ میاشت پورې د سنا غړی و او تل یې د پښتنو د حقوقو د تامین لپاره مبارزه کوله.
دغه راز کاکړ د دې ترڅنګ د پښتون ژغورنې غورځنګ یا پي ټي ایم غړی هم و.
عثمان کاکړ په ۱۹۶۱ زېږدیز کال د کوټې په مسلم باغ کلا سیف الله کې زېږېدلی و او د حقوقو له پوهنځي فارغ شوی وه.
افغانستان او پاکستان کې ګڼو سیاستوالو او عامو کسانو پر خواله رسنیو د هغه د مړینې په اړه خواشیني ښودلې او مړینه یې لویه ضایعه بللې ده.
