د افغانستان لوی ایتلاف سره د نوې ملي جبهې مشر انوارالحق احدي رسماً پرېکون اعلان کړ.
په رسمي ډول د نوې ملي جبهې مشر انورالحق احدي د افغانستان ژغورنې له لوی ایتلاف سره پریکون اعلان کړ او د ولسمشریزه ټاکنو لپاره په ټکټ کار کوي.
د ایتلاف له غړو سره د راتلونکي حکومت پرسر جنجال او د اجرایه ریاست په خپل ځای پاتې کېدل هغه ټکي دي چې احدي یې منلو ته تیار نه دی.
له دې وړاندې ایتلاف غړو شمشاد ته ویلي وو، چې احدي ترې راتلونکو ټاکنو کې د ملاتړ غوښتنه کړې خو دوی ورسره توافق ته نه دي رسېدلي.
ولسمشریزو ټاکنو ته د نږدې کېدو په درشل کې له هغه ایتلاف مهمې څېرې لارې جلا کوي چې د سیاسي ګټو لپاره یې د حکومت په مقابل کې جوړکړی و خو اوس د پاشل کېدو په حال کې ده.
په لومړي ګام کې ترې د نوې ملي جبهې مشر انوارالحق احدي ووت او تېره ورځ لومړی مرستیال عبدالرشید دوستم هم خدای پاماني کړې ده.
د ایتلاف غړو له احدي غوښتي چې اجرایه ریاست باید پر ځای پاتې وي او دغه راز به ولسمشر او اجرایه رییس راتلونکې کې درې مرستیالان ولري او والیان به هم په خپله خوښه ټاکل کېږي.
اوس دغه جبهه کار کوي د قانون په اساس ولسمشریزو ټاکنو ته خپله احدي وړاندې کړي.
نوې ملي جبهه په دې باور ده، چې روان حکومت د اجرایه پوسټ له امله چې په قانون کې ځای نه لري د ستونزو لامل شوی دی.
کارپوهان باور لري چې له ایتلاف څخه د مهمو څېرو وتل به دا ایتلاف کمزوری او د خلکو په منځ کې به خپل ارزښت نور هم له لاسه ورکړي.
ځینې په دې باور دي چې دا کار د حکومت په خوښه روان دی.
