د فاریاب ولایت مقام پر سر د حکومت او جنبش ګوند تر منځ له شاوخوا دوه میاشتني جنجال وروسته، نوموړی نن سهار د والي په توګه معرفي شو.
عنایت الله کمال په داسې مهال د فاریاب د والي په توګه معرفي کیږی، چې دغه ولایت کې د حکومتي ځواکونو او طالبانو تر منځ سختې جګړې روانې دي.
دمګړۍ فاریاب کې ۵ ولسوالۍ د طالبانو لاس کې دي، چې ۴ یې وروستیو دوو اونیو کې سقوط کړي دي.
د فاریاب نوي والي عنایت الله کمال له دې وړاندې د افغانستان د لویې څارنوالۍ د مرستیال په توګه هم دنده ترسره کړې وه.
