د افغانستان تکواندو ځوان لوبغاړی محسن رضایي د اسیا تکواندو د ۲۴م پړاو سیالیو کې اتلولي خپله کړه.
د تکواندو ملي فدراسیون وايي، دا لومړی ځل دی،چې یو افغان لوبغاړی د اسیا پر کچه د تکواندو سیالیو کې اتلولي ګټي.
د فدراسیون په خبره، د محسن رضايي سیالۍ په ۵۸ کیلو وزن کې وشوې.
رضایي چې په خپل وزن کې یې د کوېټ، پاکستان، تایوان او سوېلي کوریا سیالان مات کړل، د لبنان پلازمنه بیروت کې د سرو زرو مډال ورکړل شو.
د اسیا د تکواندو ۲۴م پړاو سیالۍ په بیروت کې د ۲۱ هېوادونو د ۱۸۹ لوبغاړو په ګډون ترسره شوې.