د افغانستان لپاره د اروپایي ټولنې استازي توماس نیکلسن د افغان سولې بهیر پڅ بللی او په اړه یې اندېښنه ښوولې.
نیکلسن په اسلام اباد کې رویټرز خبري اژانس سره خبرو کې ویلي،بین الافغاني مذاکرات باید چټک شي، ځکه د افغان سولې مذاکراتو وخت په تېرېدو دی او بهرني ځواکونه په وتلو دي.
نیکلسن ویلي،اسلام اباد باید پر طالبانو فشار راوړي،چې د سولې په اړه لیکلې طرحه د خبرو میز ته وړاندې کړي.
نوموړي ویلي، طالبان تر اوسه د سولې مذاکراتو لپاره طرحه نه لري او که یوازې د اسلامي امارت غوښتنه کوي،نو همدا موضوع دې هم د بحث لپاره وړاندې کړي.