د پکتیا امنیه قوماندانۍ د امنیت امر سمونمل نثار احمد وردک وایي، پرون ماښام ناوخته د ګردیز ښار ابراهیم خېلو سیمه کې ۴۲ د ولسي پاڅون کوونکو سرتېري طالبانو ته تسلیم شوي او بیز یې پریښی دي.
وردک یې لامل د لارې بندښت او سرتېرو ته پر وخت د اکمالاتو نه رسېدل په ګوته کوي.
طالب ویاند ذبیح الله مجاهد هم رسنیو ته په استول شوې خبرپاڼه کې ویلي، پرون ماښام یې جنګیالیو ته ګردیز کې ۴۲ سرتیري له وسلو او مهماتو سره یو ځای تسلیم شوي دي.
