د سعودي عربستان د حج او روغتيا وزارت اعلان کړی، چې روان کال به د روغتيايي اندېښنو له امله د حاجيانو شمېر ۶۰ زره ته راټیټ کړي.
د سعودي روغتيا وزارت چارواکو ويلي، هغه کسان، چې روان کال د حج مراسمو کې ګډون کوي بايد عمرونه يې د ۱۸ او ۶۵ کلونو ترمنځ او د کرونا ضد واکسین یې ترلاسه کړی وي.
روغتيا وزارت دغه راز ويلي، هغه کسان د حج مراسمو کې ګډون کولی شي، چې کومه ساري ناروغۍ و نه لري.
چارواکي وايي، دا پرېکړه يې د خلکو د خونديتوب او کوېډ-۱۹ وبا د خپرېدا مخنيوي په موخه کړې ده.
ټاکل شوې د حج مراسم د راتلونکې جولای مياشت کې پيل شي.
