د کابل امنیه قوماندانۍ ویاند فردوس فرامرز وايي، د پغمان ولسوالۍ ارغندې سیمه کې پرون شپه ناپېژانده وسله والو کسانو ۵ کسان وژلي دي.
دا کسان خپلو کورنیو سره د یوه واده تر مراسمو وروسته خپلو کورونو ته روان وو،چې د وسله والو له خوا وژل شوي دي.
فرامرز وایي، وژل شوي کسان ټول ولسي وګړي دي او هېڅ یوه کومه حکومتي دنده نه درلوده.
د پېښې مسوولیت تر اوسه پورې کومې وسله والې ډلې پر غاړه نه دی اخېستی.