د روسيې ولسمشر ولاد مير پوتين وايي، کولی شي له خپل امريکايي سيال جوبايډن سره د اړيکو په ښه کول کې په ګډه کار وکړي.
پوتين وايي، جوبايډن بايد د مخکيني ولسمشر ډانلډ ټرمپ په فکر ولاړ نه شي، ځکه د هغه د واکمنۍ پر مهال د دواړو هېوادونو ترمنځ اړيکې تر ټولو ټيټه کچه کې وې.
پوتين د ولسمشر بايډن هغه تورونه هم رد کړل، چې ګنې دی خپل مخالفين وژني.
د روسيې ولسمشر دا څرګندونې داسې مهال کوي، چې ټاکل شوې راتلونکې اونۍ سوېزرلنډ کې له خپل امريکايي سيال سره وګوري او د دواړو هېوادونو ترمنځ اړيکو په ښه والي خبرې وکړي.
