د افغانستان ملي امنیت شورا سلاکار حمدالله محب په کابل کې د ناټو له ملکي استازي سټیفانو پونټیکورو سره لېدنه د مرستو پر دوام خبرې کړي دي.
د ملي امنیت شورا ویلي، لېدنه کې د ناټو له لوري د افغان امنیتي او دفاعي ځواکونو د ملاتړ پر عملي ګامونو هم خبرې وشوې.
ناټو ژمنه کړې، چې د سېپټمبر تر۱۱مې وروسته، چې د دې تړون ټول ځواکونه له افغانستانه وځي، د همکارۍ یوه نوي پړاو ته به داخله شي.
دا په داسې حال کې ده، چې د ناټو سرمنشي ینس سټولټنبرګ روانه اونۍ له واشنګتنه د لیدنې پر مهال ویلي ول، د پوځي حضور له پای ته رسېدو سره به خپل ملکي حضور ته په افغانستان کې دوام ورکړي، په بهر کې د افغان ځواکونو د روزنې پر لارو چارو به غور وکړي او د افغانستان د یو شمېر مهمو تاسیساتو په ساتلو کې به له افغان لوري سره مرستې وکړي.