عیني شاهدان وایې، پرون ماسپښین مهال د برامان په سیمه کې موټر سایکلو سورو وسله والو د صلاح الدین په نوم یو دیني عالم په ډزو وژلی دی.
د هرات حج، ارشاد او اوقافو ریاست هم د یاد دیني عالم د وژلو پخلی کړی دی.
بل پلو د هرات امنیه قومندانۍ ویاند عبدالاحد ولي زاده وایې، برید کوونکي تښتیدلي، خو په وینا یې په اړه یې د پولیسو پلټنې پیل شوې دي.
د برید مسوولیت تر اوسه کومې وسله والې ډلې پر غاړه نه دی اخېستی.
