قطر کې د طالبانو د سیاسي دفتر آستازو د افغانستان لپاره د اروپایي ټولنې له نوي ټاکل شوي ځانګړي استازي، توماس نیکلسن سره کتلي دي.
د طالبانو د سیاسي دفتر ویاند ډاکتر نعیم پر خپل تویټر لیکلي، تېره ورځ شیر محمد عباس ستانکزي د توماس نیکلسن او مل هیئت سره وکتل او د طالبانو او اروپايي ټولنې ترمنځ د اړیکو پر پیاوړتیا یې خبرې وکړې.
ډاکتر نعیم لیکلي، لیدنه کې د سولې پر روانې پروسې، د بهرنیو ځواکونو پر وتلو، د اروپايي ټولنې بشري مرستو او دغه راز د ډیپلوماتانو او بشري برخو کار کوونکو د امنیت خوندیتوب په اړه خبرې وشوې.
طالبانو یو ځل بیا د ډیپلوماتانو او بشري برخو کارکوونکو د خونديتوب په هکله ډاډ څرګند کړی او ویلي یې ديو چې د ډیپلوماتانو او بشري برخو کار کوونکو خونديتوب د افغانستان د ملي ګټو برخه او د طالبانو مسؤلیت دی.