د افغانستان لپاره د اروپايي ټولنې نوي ځانګړي استازي توماس نیکلسن ویلي، افغانستان کې باید تاوتریخوالی پای ته ورسېږي.
نېکلسن زیاته کړې،د سولې مذاکرات باید پر طرزالعمل له بحثونو څخه اساسي بحثونو ته دننه شي.
افغانستان کې د اروپايي ټولنې استازولۍ په یوه خبرپاڼه کې د نېکلسن له قوله لیکلي، د روانې جګړې زیات زیان ملکیانو ته اوړي.
نېکلسن ویلي، دا چې بهرني ځواکونه له افغانستانه په وتلو دي، اروپايي ټولنه په افغانستان کې د پاتې کېدو هوډ لري او له افغانانو خپل ملاتړ ته دوام ورکوي.
نوموړي ویلي، د دې کار د ترسره کېدو لپاره اړتېا ده، چې د سولې پروسه پرمختګ وکړي او جګړې پای ته ورسېږي.
