د ولسمشر لومړي مرستیال امرالله صالح د کابل امنیت لپاره له خلکو د همکارۍ غوښتنه کړې ده .
صالح له خلکو غوښتنه کړې، کله چې په ښاري موټرو کې ځي، شکمنو خلکو او ماینونو ته دې پام کوي.
د هغه په خبره، خلک دې ګورئ،چې څوک له موټره د ښکته کېدو پرمهال په موټر کې ماین ځای پرځای نه کړي.
صالح ویلي، افغان ځواکونه هم دې برخې ته جدي پام کوي او په تېرو ۵ میاشتو کې یې ۸۵۰ ورته پېښو مخنیوی کړی او تورن کسان یې نیولي دي.
امرالله صالح یوځل بیا ویلي،طالبان او حقاني شبکه د ځینو کارونو ترسره کولو لپاره د داعش نوم کاروي.
صالح ویلي، په دې تړاو کره اسناد هم لري او خلک کولائ شي،چې ترلاسه یې کړي.
طالبانو بیا تل دا ډول تورونه رد کړي دي .
