کابل کې د امریکا سفارت چارسمبالي راس ویلسن د بهرنیو چارو له وزیر حنیف اتمر سره د لیدنې پر مهال ویلي، افغانان پوځ سره به مو مالي او روزنیزې مرستې همداشان دوام ولري.
هغه ویلي، امریکا په افغانستان کې د روانې جګړې د ختمېدو غوښتونکې ده او د دې ملاتړې ده، چې ژر تر ژره افغان جګړه د خبرو له لارې پای ته ورسېږي.
دواړو لورو د سولې په اړه د نړیوالې ټولنې پر همکارۍ او نړیوالې اجماع خبرې کړي دي او ویلي یې دي، چې په دې برخه کې به هم د امریکا هڅې روانې وي.
امریکایي لوري دغه راز د سرتېرو د اېستلو پر وروستیو جزئیاتو هم خبرې کړي او ټینګار یې کړی، چې له کابل سره به امنیتي همکارۍ دوام کوي.
دواړو اړخونو دغه راز کابل کې د حامد کرزي نړیوال هوايي ډګر پر امنیت هم خبرې کړي دي.
