تهران ټایمز راپور ور کړی، چې روانه اوونۍ کې ایراني چارواکو تهران کې د افغانستان د اولمپیک کمېټې سره د ورزشي همکاریو په اړه د پوهاوي هوکړه لاسلیک کړه.
راپور زیاتوي، چې دا هوکړه د ایران د اولمپیک ملي کمېټې په مرکزي دفتر کې لاسلیک شوه چې د لاسلیک مراسمو کې د دواړو هېوادونو د اولمپیک کمېټو مشرانو هم ګډون درلوده.
تمه کېږي، چې د پوهاوي دا هوکړه به د دواړو هېوادونو تر منځ په مختلفو ورزشي برخو کې همکارۍ لا پراخه او پیاوړې کړي.
