چارواکي وايي، په ارغنج خواه ولسوالۍ کې یو مسافر وړونکی بس له سړک ښوېدلی،چې د ۳ ښځو او یو ماشوم په ګډون ۸ کسان په کې مړه شوي.
د چارواکو په خبره، چې په دې پېښه کې د یوه ماشوم په ګډون ۹ نور ژوبل شوي هم دي.
د مالوماتو له مخې، په ژوبل شویو کسانو کې ۴ کور ته رخصت شوي او ۵ نور په روغتون کې دي.
په افغانستان کې تر جګړو او کورونا وبا وروسته ټرافیکي پېښې هغه لامل دی،چې ګڼو خلکو ته مرګ ژوبله اړوي،چې ناسمې لارې او د چلوونکو بې احتیاطي یې وسیله ګرځي.
