د عبدالروف پلار محمد نبي وايي، وسله والو د ده پر کور د لاسي بم له غورځولو وروسته د کور له ساتونکو سره نښته کړې، چې شااوخوا ۱۵ دقیقې یې دوام وکړ.
هغه وایي، تښتوونکو ګواښ ورته کړی، که پیسې ورنه کړي، زوی به یې ووژني.
ټاکل شوې وه، چې نن د تښتول شوي ماشوم پلار یوه خبري کنفرانس ته وینا وکړي، خو دغه کنفرانس د نامالومو دلایلو له امله لغوه شو.
د بلخ پولیس هم مني، چې پرون شپه یوه وسله وال د عبدالروف پر کور ډزې کړي، خو په خبره یې دغه پېښه کې چاته زیان اوښتی نه دی.
