ټاکل شوې، چې تر راتلونکو دوو اونیو د باګرام پوځي اډه هم افغان ځواکونو ته وسپارل شي.
د راپورونو له مخې، د افغانستان دفاع وزارت ته د باګرام نظامي اډې سپارلو لوژستیک کارونه له تیرې دوشنبې راهیسې پیل شوي او تر راتلونکو دوه اوونیو به ورته وسپارل شي.
د افغانستان دفاع وزارت هم منلې، چې ډېر ژر به د دې سترې هوايي او پوځي اډې ټول مسئولیت افغان ځواکونو ته وسپارل شي.
د بګرام پوځي اډې اهمیت په دې کې دی، چې په تېرو شلو کلونو کې دغه اډه د بهرنیو ځواکونو د مېشتېدو او هوایې عملیاتو مرکز پاتې شوی او د امریکا ولسمشران هم افغانستان ته د سفر پر مهال دې اډه کې تم شوي دي.
په همدې پوځي اډه کې د بګرام مشهور زندان هم شتون لري، چې وار د مخه یې مسئولیت افغان لوري ته سپارل شوی.
د یادونې وړ ده، چې دغه نظامي اډه به د راکټونو د خنثا کولو له سیستم پرته افغان لوري ته وسپارل شي.
