د عامې روغتیا وزارت وایي، په تېرو ۲۴ ساعتونو کې یې د کورونا وبا ۱۵۶۶ مثبتې پېښې ثبت کړي.
د وزارت په خبره، نوې ثبت شوې پېښې ۴۸۲ کابل، ۱۴۴ بلخ، ۲۲ ننګرهار،۱۵۱ کندهار، ۲۲ هرات، ۵۴ تخار، ۷بغلان، ۶۶ کندز، ۱۳ فاریاب،۱۰۳ نیمرزو، ۱۹۹ پروان، ۱۴ هلمند، ۱۴ پکتیا، ۳۱ میدان وردګ، ۱۹ بدخشان، ۱۹ لغمان، ۵۳ کاپیسا، ۲۰ غزني، ۸ بامیان، ۶ دایکندي، ۳۴ پنجشیر، ۱ باغیس، ۲ زابل، ۹ غور، ۳ اروزګان، ۲۹ سرپل، ۵ خوست، ۸ پکتیکا او ۲۰ جوزجان ولایت کې ثبت شوي.
د وزارت په وینا، د نویو پېښو په ثبت سره پر کورونا وبا د اخته کسانو شمېر ۷۳ زره او ۲۵۶ ته لوړ شو.
دغه راز بیا په همدې موده کې د کورونا وبا له امله ۳۰ کسان مړه شوي او ۱۸۱ نور ترې بېرته روغ شوي.
د وزارت د مالوماتو له مخې، تر دې مهاله ۲ زره او ۹۷۴ کسان د کورونا وبا له امله مړه شوي او ۵۷ زره او ۶۳۰ کسان ترې روغ شوي دي.
