په کابل کې له یوې دیني مدرسې شاوخوا ۳۲۲ تنه ښځینه زده کوونکې فارغې او د یوې غونډې په لړ کې یې د فراغت سندونه تر لاسه کړل.
په غونډه کې د سرپرست حکومت چارواکو په ګډون ګڼ شمېر خلکو ګډون کړی وو او د دینې او عصرې زده کړو په ارزښت يې خبرې وکړي.
چارواکي وايي، شرایطو ته په کتو د اوس لپاره د نجونو لپاره تر عصرې زده کړو دیني زده کړي مهيمې دې او باید پر دینې زده کړو زیات کار وشي.
د استخاراتو د ۴۰۵ ریاست مشر امین الله وقار وايي:« د ښوونځي نجونو کې ولې تغیر نه راځي، ولې د هغوی علم نه دی ، هنر دی. د خط زده کړه، د کمپیوټر زده کړ هنر دی، علم نه ده، نو فلهذا په دوی کې تغییر نه راځي. نن سبا چې په کوڅو کې تېرېږو، محجبه خویندې او زنانه ګورو.»
وقار د غونډې په یوه څنډه کې له شمشاد سره په خبرو کې وویل، اسلامې امارت د نجونو د عصرې زده کړو مخالف نه دی او په دې کار روان دی تر څو د نجونو عصري زده کړو ته زمينه او شرايط برابره کړي.
په ورته مهال د یادې دیني مدرسې مسوولین ټینګار لري، چې کورنۍ دې پر خپلو اولادونو له عصري زده کړو سربېره دیني زده کړې هم وکړي او د سالمې روزنې په موخه دې ترې نظارت ولري.
د شهید فرید نادي مدرسې مسوول نقیب الله روفي وايي:« ځېنې خلک داسې فکر کوي، چې دا مدرسه د یو چا لپاره ده، چې غواړي ملا شي. خو زه وایم، چې مدرسه د هر مومن مسلمان لپاره ده، چې غواړي اولاد یې عیقدوي تربیه شي، اولاد یې د کفر له یرغل وژغورل شي.»
د سرپرست حکومت چارواکو له فارغو شویو نجونو غوښتنه وکړه چي تر فراغت وروسته دې په کور نه کېني او په خپلو اړوندو سېمو کې دې نورې کورنۍ زده کړو ته وهڅوي.
