د غزني د والي ویاند وحیدالله جمعه زاده وایي، تېره شپه امنیتي ځواکونو د قره باغ ولسوالۍ ابراهیم خېلو او نصرخېلو سیمو کې عملیات ترسره کړي، چې د سرګروپ حنفي په ګډون ۲۵ وسله وال طالبان پکې وژل شوي او ۲۴ نور ټپیان دي.
د جمعه زاده په وینا، عملیاتو کې امنیتي ځواکونو او ملکي وګړو ته زیان نه دی اوښتی او یو شمېر وسلې او مهمات هم د افغان ځواکونو لاس ته ورغلي دي.
طالبانو تر اوسه په دې اړه رسنیو ته څه نه دي ویلي.
