پاکستان پرېکړه کړې ده، چې له افغانستان پر ورتلونکو ۸۰ سلنه الوتنو بندیز ولګوي.
د مالوماتو له مخې، پاکستان له کابل اسلاماباد ته د ورتلونکو الوتنو شمېر په اوونۍ کې له ۵ یوې ته راکم کړی، خو پاکستانۍ الوتکې بیا پوره ۵ الوتنې کابل ته کوي.
بل پلو د افغانستان ملکي هوايي چلند ادارې بیا د پاکستان دا پرېکړه یو اړخیزه او د هغې هوکړې خلاف بللې،چې د دواړو هېوادونو ترمنځ لاسلیک شوې ده.
یادې ادارې ویلي، د دې ستونزې د حل په موخه به روانه اوونۍ له پاکستاني چارواکو سره خبرې وشي.
